समाज कल्याण विभागाच्या शिष्यवृत्तीसाठी विद्यार्थ्यांनी महाडीबीटी पोर्टलवर तातडीने अर्ज करावेत प्रादेशिक उपायुक्त बाळासाहेब सोळंकी यांचे आवाहन
नवी मुंबई, दि. ८ ऑगस्ट २०२६ : समाज कल्याण विभागामार्फत देण्यात येणाऱ्या विविध शिष्यवृत्ती योजनांचा लाभ घेण्यासाठी मुंबई विभागातील पात्र विद्यार्थ्यांनी महाडीबीटी 2.0 पोर्टलवर तातडीने ऑनलाइन अर्ज सादर करावेत, असे आवाहन समाज कल्याण विभागाचे मुंबई विभागाचे प्रादेशिक उपायुक्त बाळासाहेब सोळंकी यांनी केले आहे.मुंबई विभागातील मुंबई शहर, मुंबई उपनगर, ठाणे, पालघर, रायगड, रत्नागिरी आणि सिंधुदुर्ग या जिल्ह्यांतील महाविद्यालयांमध्ये सन २०२५-२६ आणि २०२६-२७ या शैक्षणिक वर्षात प्रवेश घेतलेल्या आणि शिष्यवृत्तीचा लाभ घेऊ इच्छिणाऱ्या विद्यार्थ्यांसाठी महाडीबीटी 2.0 पोर्टलवर नवीन तसेच नूतनीकरणाचे शिष्यवृत्ती अर्ज भरण्याची प्रक्रिया अधिकृतपणे सुरू करण्यात आली आहे.[महाडीबीटी 2.0 पोर्टल](https://mahadbt2.maharashtra.gov.in?utm_source=chatgpt.com) मुंबई विभागातील सर्व मान्यताप्राप्त शासकीय, अनुदानित, विनाअनुदानित आणि कायम विनाअनुदानित महाविद्यालयांमधील अनुसूचित जाती प्रवर्गातील पात्र विद्यार्थ्यांनी या शिष्यवृत्ती योजनेचा तातडीने लाभ घ्यावा, असेही सोळंकी यांनी सांगितले. आधार क्रमांकाद्वारे महाआयडी तयार करणे आवश्यकइयत्ता ११ वी, १२ वी तसेच व्यावसायिक आणि बिगर व्यावसायिक अभ्यासक्रमांमध्ये प्रवेश घेतलेल्या नवीन व नूतनीकरणासाठी पात्र विद्यार्थ्यांनी सर्वप्रथम आधार क्रमांकाचा वापर करून पोर्टलवर आपली महाआयडी (MahaID) तयार करणे आवश्यक आहे.विद्यार्थ्यांच्या आधार कार्डवरील नाव, पत्ता, मोबाईल क्रमांक आणि ई-मेल यांसारखी माहिती अद्ययावत असणे आवश्यक आहे. आवश्यक कागदपत्रे तयार ठेवण्याचे आवाहनशिष्यवृत्तीचा अर्ज भरताना विद्यार्थ्यांनी जात प्रमाणपत्र, उत्पन्नाचा दाखला, अधिवास प्रमाणपत्र तसेच आवश्यक शैक्षणिक कागदपत्रे स्पष्ट आणि वाचनीय पीडीएफ स्वरूपात तयार ठेवावीत. शिष्यवृत्ती अर्ज भरणे हा प्रवेश प्रक्रियेचाच महत्त्वाचा भाग असल्याने विद्यार्थ्यांनी ऑनलाइन अर्ज पूर्ण भरून त्याची प्रत संबंधित महाविद्यालयात जमा करावी. यामुळे पात्र विद्यार्थ्यांना शिष्यवृत्ती योजनेचा लाभ मिळण्यास सुलभता होईल.विद्यार्थ्यांनी अंतिम मुदतीची वाट न पाहता तातडीने ऑनलाइन अर्ज भरावेत, असे आवाहन प्रादेशिक उपायुक्त बाळासाहेब सोळंकी, समाज कल्याण विभाग, मुंबई विभाग यांनी केले आहे.
